Аксана Пагодзіна — ня толькі дзяўчына, але й «некамэрцыйны праект», які існуе каля трох гадоў. Кожная яе песьня мае свой выразны і насычаны малюнак, а празь зьнешнюю расейскасьць прасьвечваюцца беларускія рэаліі. Віктар Сямашка — пра арыгінальны музычны праект oksana pogodina.

Гурт Pawa прадстаўляе на Tuzin.FM сваю новую песьню пра мужчынскую здраду ды жаночую помсту, што завецца «Рыцу». Яна ўвойдзе ў будучы альбом, другі па ліку. Калектыў Юрася Панкевіча пачаў супрацу з прадусарам гурта «Краски» Валерыем Шаўчэнкам і значна актывізаваўся ў апошні час.

Арганізатары новага польскага фэстывалю Halfway Festival абвесьцілі сьпіс яго ўдзельнікаў. У першай дзеі пад назвай Songwriting Op!era выступяць ісьляндцы з Low Roar, амэрыканцы The Mountain Goats, літоўская сьпявачка Аліна Арлова, Паліна Рэспубліка і «Людзі на балоце» зь Беларусі. У другой частцы фэсту Op!era Folk заяўленыя Woven Hand, Haydamaky, Вася Абломаў, а таксама беларусы з Re1ikt і FolkRoll.

Гурт OSIMIRA нагадаў пра сваё існаваньне вялікім сольным канцэртам у Магілёве. «Мы не разыходзіліся, мы проста існуем у новых умовах», — кажуць музыкі, чарговы раз абвяргаючы чуткі пра распад сваёй каманды. 19 траўня гурт бярэ ўдзел у вялізарным фэсьце «Парк Кіеўская Русь» у Кіеве ды рыхтуецца да сольнага канцэрту ў Пецярбургу — цяперашнім горадзе пражываньня свайго лідэра Андруся Палаўчэні.

Гурт «Спрат» запісаў польскамоўны рымэйк уласнай песьні «Адчуй!». «Мы некалькі разоў сыгралі яе разам з польскім тэкстам і нам новы варыянт песьні падаўся ня менш цікавым за арыгінал», — кажа лідэр каманды Зьміцер Сянько. Ня выключана, што ўжывую сваю польскую песьню беларуская каманда прадставіць на ўкраінскім оўпэн-эйры «Рок-булава».