intro: F C G C

    C    G        C
На вакацыях пад акацыяй
      F              C
У альтанцы сядзела Алiцыя
    F                 C
Элегантная ды выкшталцоная
     G               C
I чытала напамяць Гарацыя

У кампанii дзьвюх каляжанак
Ведучы дыялёгi прыватныя
Пiлi каву яны з цынамонам
З парцэлянавых фiлiжанак

Час ад часу да iх кавалеры
Заглядалi, нiбы выпадкова
Кавалеры мелi манэры
I намеры цнатлiва-прыстойныя

Хлопцы трымалiся з годнасьцю
Стрыманай ды зухаватай
I зрэдку любiлi дзяўчат
Далiкатна спалохаць вужакай

А побач у балоце жабы
Песьнi сьпявалi маркотныя
На тыя адвечныя тэмы
Што сэрца хвалююць шляхотнае

Так мiнала ў нябыт пакрыёму
Тое цiхае, цёплае лета
На парозе стаяла восень
Пагражаючы пiсталетам