Аляксандра і Канстанцін: LAD Unplugged :: Mузычная прастора Беларусі

Навіны
Афіша
Акорды
Mp3
Кліпы
Урокі
Студыі гуказапісу

13.12.2007 - Аляксандра і Канстанцін: LAD Unplugged
http://music.fromby.net/

24 сьнежня на тэлеканале «Лад» можна будзе ўбачыць тэлевэрсію акустычнага канцэрту дуэта «Аляксандра і Канстанцін», запісанага 2-га лютага ў КЗ «Мінск». Якраз гэты выступ у хуткім часе пабачыць сьвет на першым DVD гурта. Канстанцін Драпеза: «Гэта наш адка

У тэлевэрсію канцэрту ўвайшлі 11 самых яркіх кампазыцыяў дуэта, пераважнаю часткаю з праграмы «Аўтаномная навігацыя». Усё зайграна выключна ў жывым гуку, а разам з Аляксандрай Кірсанавай і Канстанцінам Драпезам на сцэну выйшлі такія музыкі, як Віктар Маўчанаў (экс-гітарыст «Песьняроў»), бубнач Мікола Белановіч («Крамбамбуля») і скрыпач Карэн Карапецян (KRIWI, «Харлі»). «Гэта наш адказ на папрокі некаторых, што мы нібыта апапсіліся, - кажа Канстанцін Драпеза. – Калі зьявілася магчымасьць сыграць нашыя песьні цалкам ужывую, мы зрабілі гэта. І лічу, што зрабілі няблага. У нашым разуменьні атрымалася ўсё ў лепшых традыцыях MTV Unplugged». «Мы заўжды ведаем у якім кірунку ідзем. Паглядзіце канцэрт і ўпэўніцеся – аніводнай папсовай ноты ці інтанацыі там проста няма», - далучаецца Аляксандра Кірсанава.

Цікава, што падчас выступу «АіК» праходзіў унікальны творчы экспэрымэнт. Малады мастак Даніла Ермаловіч маляваў проста ў залі музыку дуэта на палатне і пры канцы канцэрту паказаў, што з гэтага выйшла.

Мяркуецца, што першы DVD-дыск калектыва з запісам гэтага канцэрта ды ўсімі кліпамі мае выйсьці налета ў студзені на кампаніі West Records. Якраз у 2008 годзе дуэт «Аляксандра і Канстанцін» будуць сьвяткаваць 10-годзьдзе сваёй дзейнасьці.

SB, ТГ

Фота: JamStudio

Вэрсія для друку