«Палац» – на «Эўравізію»! :: Mузычная прастора Беларусі

Навіны
Афіша
Акорды
Mp3
Кліпы
Урокі
Студыі гуказапісу

19.12.2007 - «Палац» – на «Эўравізію»!
http://music.fromby.net/

Гурт «Палац» зь песьняй «Кола Млына» – самы дастойны сярод удзельнікаў «Эўрафэсту» – адборачнага туру да конкурсу «Эўравізія-2008». Так вырашылі наведнікі нашага парталу – у галасаваньні, зладжаным на ТГ «Палац» перамог з адрывам амаль у 100 галасоў ад ас
Гэта наш Палац!

«Заклікаю ўсіх падтрымаць нашу песьню „Кола Млына“ хоць бы з той прычыны, што яна – адзіная сярод астатніх выкананая на беларускай мове», - кажа лідэр «Палацу» Алег Хаменка. Музыка прызнаецца, што на перамогу ў «Эўрафэсьце» ён ня надта спадзяецца, але мяркуе, што ў тройку фіналістаў трапіць больш чым рэальна.

20 сьнежня ў Белтэлерадыёкампаніі адбудзецца жараб'ёўка, дзе будзе вызначана ў якой чарзе будуць выступаць паўфіналісты. А 21 сьнежня ў жывым этэры ўсе выканаўцы выступяць пад фанаграму «мінус адзін». Журы падчас канцэрту будзе знаходзіцца ў іншай студыі і назіраць за ўсім па тэлевізары.

Галасаваньне тэлегледачоў пачнецца адразу ж па сканчэньні выступаў усіх удзельнікаў. Кожны зможа аддаць свой голас за ўпадабанага выканаўцу. Для гэтага трэба патэлефанаваць на нумар 8-803-100-03-ХХ (апошнія лічбы – нумар выканаўцы – ад 01 да 15). Званок будзе бясплатным.

Калі станецца так, што выканаўца набярэ па выніках глядацкага галасаваньня найбольшую колькасьць галасоў, але яго ў ліку двух фіналістаў не назаве журы, то ён будзе трэцім ўдзельнікам фіналу. Такім чынам, будзе абрана два альбо тры выканаўцы для ўдзелу ў фінале «Эўрафэсту».

Заўтра ТГ паведаміць, якім будзе выступаць гурт «Палац».

SB, ТГ

Сьпіс усіх песень, якія будуць прадстаўленыя на паўфінале «Эўрафэсту»:

Gunesh - «I Can't Live without You»
Анна & Герман - «Мы будем первые»
Віктар Пшанічны - «Baby Blue»
Dali - «Silver Sky»
Litesound - «Do You Believe»
PinCode - «You Can»
The Champions - «Drive Me Crazy»
«Палац» - «Кола Млына»
«По глазам» - «Девочка трехтысячных лет»
Катрын - «Follow Me»
Лена Валошына - «That's All I Feel»
Аксана Кавалеўская - «Всегда одна»
«Sкандал» - «Everybody»
Руслан Аляхно - «Hasta la Vista»
Юлія Гусева - «Maybe»

Вэрсія для друку