Termin X адрадзіліся :: Mузычная прастора Беларусі

Навіны
Афіша
Акорды
Mp3
Кліпы
Урокі
Студыі гуказапісу

08.12.2008 - Termin X адрадзіліся
http://music.fromby.net/

Пасьля перапынку, які цягнуўся больш за год, гурт Termin X аднавіў сваю творчую дзейнасьць. «Мы зразумелі сапраўдную вартасьць праекту Termin X асабіста для нас. Да і песень шмат засталося, якія мы проста не пасьпелі запісаць ці дарабіць. Вельмі шкада, бо
TerminX

Летась у кастрычніку Кірыл Домніч заявіў праз ТГ пра распад Termin X. «Разьвітальная» песьня гурта «Чароўны мур» мела вялікі посьпех у чарце ТГ і трапіла ў лік 12-ці лепшых твораў сэзону. Аднак, паразважаўшы з год, музыкі вырашылі захаваць каманду: «Мы зразумелі сапраўдную вартасьць праекту Termin X асабіста для нас. Да і песень шмат засталося, якія мы проста не пасьпелі запісаць ці дарабіць. Вельмі шкада, бо час цячэ, музыка разьвіваецца, трэба знайсьці той момант, каб гэта ўсе ня страціла актуальнасьць і запісаць усё як належыць», — кажа лідэр гурта і выказвае вялікую падзяку тым людзям, якім падабаецца іх музыка: «Нас знаходзілі па розных каналах і выказвалі сваю павагу, казалі добрыя словы пра нашую музыку. Можа гэта і быў самы галоўны імпульс для ўзьяднаньня».

Цяпер Termin X працуе над сваім першым альбомам. Кірыл Домніч апавядае, што ўжо запісана 40% матэрыялу: «Зараз мы працуем над аранжыроўкамі зусім новых трэкаў. Як толькі ўсё будзе падрыхтавана — адразу запішам у студыі. Я буду вельмі задаволены, калі атрымаецца запісаць дыск ня больш за 35-40 хвілін гучаньня, але бяз другасных песень. Вельмі важна аб’яднаць усе гэта адзінай сэнсавай канцэпцыяй і надаць альбому „аўтаномную душу“, каб у слухача штосьці эмацыйнае заставалася пасьля праслухоўваньня. Альбом будзе цалкам беларускамоўны».

У гурце адбыліся зьмены — да Кірыла Домніча ды гітарыста Зьмітра Копаця далучыліся новы басіст Зьміцер Васюк і бубнач Кірыл Скарынін, якія безумоўна дадаюць нешта новае як у гучаньне, так і ў музычны матэрыял.

Гурт у інтэрнэце — myspace.com/terminxband, vkontakte.ru/club2597328

ТГ

Вэрсія для друку