Сарваная прэмія беларускага музычнага відэа

Навіны
Афіша
Акорды
Mp3
Кліпы
Урокі
Студыі гуказапісу

15.12.2008 - Сарваная прэмія беларускага музычнага відэа
http://music.fromby.net/

Менскі клюб «Акварыюм» пазбавілі ліцэнзіі якраз перад правядзеньнем дзьвюх імпрэзаў — гадавіны тэлеканалу «Белсат» і першай штогадовай прэміі беларускага музычнага відэа. Арганізатар «Кліп-маратону» Міхал Нядзьвецкі: «Гэта трывожны сыгнал для ўсіх арганіз
Кліп-маратон-2008

Першая штогадовая прэмія беларускага музычнага відэа мусіла прайсьці 14 сьнежня ў менскім клюбе «Акварыюм». Праграма складалася з паказу лепшага музычнага відэа 2007—2008 гадоў, дэманстрацыі рарытэтных і прэм’ерных ролікаў, а таксама прэзэнтацыяй першай у Беларусі DVD-складанкі зь лепшымі кліпамі апошніх 20-ці гадоў. Але за два дні да пачатку імпрэзы дырэкцыя клюбу паведаміла, што іх пазбавілі ліцэнзіі на правядзеньне забаўляльных мерапрыемстваў. На ўваходных дзьвярох клюбу разьмясьцілі абвестку, што з 12 па 15 сьнежня ў памяшканьні клюбу будзе праводзіцца рамонт. А кіраўнік «Акварыюму» спаслаўся на пастанову галоўнага ўрача санітарна-эпідэміялягічнай службы Менска, паводле якой клюб быў пазбаўлены ліцэнзіі на правядзеньне забаўляльных мерапрыемстваў.

Арганізатар «Кліп-маратону» Міхал Нядзьвецкі лічыць, што зрыў цырымоніі — гэта трывожны сыгнал для ўсіх арганізатараў рок-канцэртаў: «Я лічу, што закрыцьцё клюба абсалютна беспадстаўнае, бо нашае мерапрыемства паўсюль афішавалася як непалітычнае. Прытым была ўзгодненая праграма з кіраўніцтвам клюбу. З часоў размовы з Праляскоўскім гэта першы выпадак, калі забаранілі імрэзу. Улады вярнуліся да ранейшай тактыкі».

Прэмію вырашана правесьці 28 сьнежня. Каб пазьбегнуць падобных праблемаў месца для яе правядзеньня абранае надзейнае — офіс партыі БНФ.

ТГ

Вэрсія для друку