Avгуст: «Мы будзем першай групай Беларусі!» :: Mузычная прастора Беларусі

Навіны
Афіша
Акорды
Mp3
Кліпы
Урокі
Студыі гуказапісу

03.12.2009 - Avгуст: «Мы будзем першай групай Беларусі!»
http://music.fromby.net/

Яны заяўляюць, што хочуць стаць у наступным годзе гуртом №1 у Беларусі, ствараюць якасную поп-музыку і ня хочуць выкарыстоўваць гітары і сынтэзатары. «Усе думаюць, што раяль прыдатны толькі для выкананьня клясыкі, але мы здольныя на стварэньне стыльнай сучаснай музыкі», — заяўляюць удзельнікі гурта «Avгуст». Іх песьня «Пачакай (5 хвілін)» дэбютуе ў новым туры на ТГ.
Аvгуст

Гурт «Avгуст» паўстаў у 2007 годзе, калі дэбютаваў у тэлепраекце «Серебряный граммофон», але потым зьнік з далягляду. Выявілася, што гурт пакінуў адзін з удзельнікаў. Сёлета яны знайшлі новага музыку — піяніста Міхаіла Оргіша, выпускніка Акадэміі музыкі ды зноў пачалі рух наперад. Лідэр гурта Васіль Селішчаў кажа, што ў музыцы яны ставяць менавіта на партыю раяля. «Мы ўпэўнены, што драйву можна дасягнуць з дапамогай гэтага інструмэнта і не выкарыстоўваць пры гэтым гітару і сынтэзатары». Васіль сьцьвярджае, што іх песьні цяпер круцяць на 26 беларускіх радыёстанцыях. Пляны ў гурта амбітныя — стаць гуртом №1 у Беларусі ўжо ў наступным годзе.

Гэтага музыкі хочуць дасягнуць у тым ліку пры дапамозе песьні «Пачакай (5 хвiлiн)»: «Прысьпеў час паказаць шырокай аўдыторыі, што па-беларуску можна ствараць сапраўдныя гіты, якія будуць карыстацца папулярнасьцю ў Расеі ды Ўкраіне», — кажа Васіль.

1 сьнежня ў гурта адкрыўся афіцыйны інтэрнэт-сайт — www.avgust.by

Аvгуст — Пачакай (5 хвiлiн) (музыка і словы — Васіль Селішчаў).
Зьмяшчаецца са згоды выканаўцы.

ТГ

Вэрсія для друку