Журы праекту абрала ўдзельнікаў праекту «Graffiti Open Music Fest», што возьмуць удзел у фінальных канцэртах. 36 гуртоў возьмуць удзел у музычным маратоне і пазмагаюцца за прызы фэсту — 3 мільёны беларускіх рублёў, запіс сынглу, пакеты бясплатных рэпэтыцыяў ды іншыя прыемнасьці.
Усяго на ўдзел у праекце прэтэндавалі 104 выканаўцаў і гуртоў, што падалі заявы. Паколькі стылістычных абмежаваньняў ня ставілася, у «Graffiti Open Music Fest» пажадалі трапіць абсалютна розныя музыкі — ад выканаўцаў дваровага шансону, прыхільнікаў інды-року да сур’ёзных праектаў прафэсіяналаў з музычнай адукацыяй. Сябры журы кожнаму з прэтэндэнтаў меліся выставіць адзнакі ад 1 да 10 і шляхам падлічэньня балаў былі названыя фіналісты праекту.
Імі сталі 36 гуртоў: Akute, Ann Core, A-Test-A, Batiskaf, Bez.not, California Shores, Doom Dance, Floor Sixteen, Fratrez, Glofira, Hair Peace Salon, Indra, Jenowa, MoZart, Nevma, NicePrice, Re1ikt, Silicon, StepHall, The Fantastiques, The Road Dogs, The Unlimited Trio, The Worm Ouroboros, Unia, Volk, ZM99, «Zюzka и Брунгильда», «Алмазный Фронт», «Бульваръ», «Всё Crazy», «Доходяги-бэнд», «Жнюв», «ПленЭр», «Пост Скриптум» (Кіеў), «Слайды» і Юлія Глебава.
Фінальныя канцэрты стартуюць 26 студзеня. Кожны аўторак будуць праходзіць «бойкі» паміж двума-трыма ўдзельнікамі праекту. Адбіраць найлепшых будзе, як журы (голас журы — 50 балаў), так і гледачы (1 голас — 5 балаў), акром таго будзе наладжана SMS-галасаваньне (1 голас — 1 бал).
Сайт фэсту — open.graffiti.by
ТГ
Вэрсія для друку
|
