У новым туры на ТГ гурт ZM99 прэзэнтуе сваю новую песьню «Неба», напісаную ў пераломны час у гісторыі каманды: «Мы знаходзіліся ў нейкім вакууме, выціснутыя, як псыхалягічна, так і эмацыйна. Ня ведалі, што нам далей рабіць. Неабходна было вызначацца, у якім кірунку мы будзем працаваць і ці будзем наогул», — кажа гітарыст каманды Ўладзімер Сахончык.
Песьня «Неба» была напісаная ў той час, калі мы думалі, што нашаму гурту прыйшоў поўны гамон. У нас не было бубнача і вакала, як такога. Мы знаходзіліся ў нейкім вакууме, выціснутыя, як псыхалягічна, так і эмацыйна. Ня ведалі, што нам далей рабіць. Неабходна было вызначацца, у якім кірунку мы будзем працаваць і ці будзем наогул.
Тады знаёмы Яўгена Броўкі — DJ Art прапанаваў нам стварыць рэп-праект, з жывымі інструмэнтамі. Але Зоя Каральчук выпадкова пачула працоўны матэрыял і прапанавала сваё бачаньне. Тады стала зразумела, што іншы праект нам не патрэбны. Мы запісалі «Неба» з прыцягненьнем духавой сэкцыі, каб разнастаіць нашу музычную палітру. Зрабіць наш матэрыял жывейшым і цікавейшымі, але пры тым не рабіць дамінуючымі духавыя. Гэта напраўду складана, бо труба надта яркі і выразны інструмэнт.
Песьня «Неба» — адна з найлепшых нашых кампазыцыяў. Мы не прэтэндуем на перамогу ў гіт-парадзе, але галоўнае бачым у тым, што праз ТГ яе пачуюць людзі. Тым, хто дапамог аднавіцца гурту «Зьмяя» і падтрымаў нас пры зьмене назвы на ZM99, хто ня даў зьнікнуць яшчэ адной беларускай групе — вялікая падзяка.
ZM99 — Неба (словы — Зоя Каральчук, музыка гурта).
Зьмяшчаецца са згоды выканаўцы.
Уладзімер Сахончык, для ТГ
Вэрсія для друку
|
