The Toobes запалілі ў Fabrique :: Mузычная прастора Беларусі

Навіны
Афіша
Акорды
Mp3
Кліпы
Урокі
Студыі гуказапісу

15.02.2010 - The Toobes запалілі ў Fabrique
http://music.fromby.net/

The Toobes адыгралі чарговы пасьпяховы сольны канцэрт. Калі музыкі зьявіліся, то склалася ўражаньне, што хэдлайнэрамі былі не яны, а стэйдждайвэры. Фэны скакалі ў натоўп гуртам, а некаторыя нават з гаўбца. З разагрэвам на выдатна справілася каманда The Fantastiques — яшчэ адна ўзыходзячая зорка ангельскамоўнага року зь Беларусі.

Вечар пачалі маладыя і ня менш таленавітыя, але не такія папулярныя The Fantastiques. Хлопцы граюць нешта сярэдняе паміж рок-н-ролам 60-х і індзі-рокам. Выступае гурт досыць часта, але кожны свой выступ імкнецца зрабіць непадобным да астатніх ды намагаецца зьдзівіць слухача. У сваёй мэце The Fantastiques абсалютна супадаюць з The Toobes — выйсьці на заходнюю сцэну. У іх пакуль што запісаны адзіны сынгл, а ў наяўнасьці шмат новага матэрыялу. The Fantastiques адыгралі сваю частку якасна і здолелі разагрэць тых, хто прыйшоў па драйв.

Калі на сцэне зьявіліся «тубсы», то склалася ўражаньне, што хэдлайнэрамі былі стэйдждайвэры, а не музыкі. Фэны скакалі ў натоўп гуртам, а некаторыя нават з гаўбца.

З абсалютна новых песень The Toobes зайгралі толькі «Loosing You». Затое можна было пачуць увесь іх сынгл «Indie Who Indiе». У новым гучаньні прагучала «Be Bob a Lula». Fabrique — клюб досыць маленькі, было даволі цесна, але разам з тым вельмі ўтульна. Музыкі былі вельмі блізка ад слухача і дзякуючы акустыцы нават каля бара іх было добра чуваць. Напрыканцы сымбалічна прагучала «Nothing to Say», каб паказаць слухачам, што на гэтым канцэрт сканчаецца. Музыкі зьявяцца на сцэне на «Рок-Каранацыі», пасьля чаго мяркуюць зладзіць яшчэ адзін сольны канцэрт.

Алесь Лукашоў, ТГ

Вэрсія для друку