Лідэр «БЕЗ БИЛЕТА» пашырыў межы ўласнай творчасьці і запісаў альбом летуценнага электроннага інструмэнталу для вузкага кола аматараў. Часам зусім ужо нечакана філязофскага, як для лідэра поп-рокавага праекту. На гэтым дыску паўстае ўжо не Барзоў, але яшчэ
Гэтая праграма настолькі насычаная і шматслойная, што некалькімі словамі яе не абмалюеш. Тут сустракаюцца разважлівыя нью-эйджавыя рэчы («Дабрацца жывым»), спробы сябе ў буйных музычных жанрах (аркестровачка «Здыхлік супраць чалавека-пінгвіна»), іранічныя музычныя замалёўкі («Тэма хітрага даішніка») і мэдытаўныя імправізацыі («Афрыканскі лес»). Ёсьць месца, і ўсходнім матывам («Любоў дракона»), так і заходнім («Гэта ўсё глупства, Джоні»). У цэлам жа альбом мінорны па настроі, што падкрэсьліваюць два сьлязьлівыя трэкі пры канцы. Верыцца, што Віталь адзін з тых рэдкіх людзей, у якіх музыка ў галаве гучыць пастаянна. Асабістая падзяка за «Плошчу». Хоць назву трэка можна было напісаць па-чалавечы.
SB, ТГ
|
