Гурт Hasta La Fillsta падрыхтаваў сюрпрыз да Калядаў і Новага Году — інтэрнэт-рэліз, запісаны разам зь вядомымі беларускімі рок-вакалістамі Аляксандрам Памідоравым, Аляксандрам Ракаўцом, Вольгай Самусік і Машай Яр. Самая сьвяточная песьня — «Калядкі» ўжо трапіла ў беларускі радыёэтэр.
«Калядкі» стала першай песьняй, выкладзенай на афіцыйным сайце гурта hastalafillsta.com. «Гэтая песьня цяпер самая актуальная, яна выйшла даволі вясёлай і адразу стварае адпаведны настрой, — кажуць музыкі. — Таму яе мы вырашылі прэзэнтаваць найперш у сеціве ды радыёэтэры». Цалкам інтэрнэт-сынгл зьявіцца на днях — цяпер сканчаецца рэканструкцыя новай вэрсіі сайту Hasta La Fillsta. Раней музыкі прэзэнтавалі адну з сваіх песень — «Праўда» ў гіт-парадзе на ТГ.
29 сьнежня адбудзецца радыё-прэзэнтацыя сынглу ў межах праграмы Алега Хаменкі «Брама існасьці» на хвалях «Аўтарадыё». Расклад перадачаў можна пабачыць на сайце гурта «Палац».
ТГ
|
